Gipuzkoako Foru Aldundiak urtero antolatzen duen Gipuzkoako Kirolari Omenaldiaren ekitaldian jasoko du Aloña Mendik talde onenaren saria, abenduaren 22an, astelehena, Donostiako Kursaal jauregian. Urte osoan nabarmendu diren zenbait kirolari ere omenduko dituzte.
Iñaki Ugarteburu Aldundiko kirol zuzendariak Aloña Mendi ibarrerako eredugarria izan dela esan du. Joxe Joan Gonzalez de Txabarri aldun nagusia, Fernando Tapia alduna eta Iñaki Ugarteburu bera izango dira omenaldian.
Hainbat ekintza
Aloña Mendik hainbat ekintza antolatu ditu datozen egunotarako; hain zuzen ere, Mendi sailak antolatu ditu. Batetik, eski irteerak; bestetik, Gorbeia aldera mendi irteera bat. Azken honetarako izenemate epea abenduaren 11ra arte egongo da zabalik.