Aparkalekua eraikitzeko lanak, enkantean

Oñatiko udalak enkantera atera berri ditu aparkaleku berri bat egiteko lanak. Hain zuzen ere, Zubikoa kiroldegiaren inguruan proiektatutako aparkalekuak egiteko lanak dira. Udala luzaroan ibili da aparkaleku horiek egin nahian.

Urriaren 13an argitaratu zen Gipuzkoako Aldizkari Ofizialean Oñatiko udalak osoko bilkuran, irailaren 25ean, hartutako erabakia.

Hemendik aurrera, parte hartu nahi duten enpresek 26 egun dituzte enkantera aurkezteko. Aparkalekuen proiektua Etxegarai-Zelaia arkitektuek prestatu zuten, eta hori burutzea egokituko zaio enkantea irabazten duen enpresari. Sei hilabete izango ditu horretarako. 330.743,42 euroko aurrekontua ezartzen du Oñatiko udalak.

Aspalditik datorren proiektua

Zubikoa kiroldegiaren inguruko aparkalekuak egiteko asmoa aspalditik dator. Izan ere, Oñatiko urbanismo premiarik handienetako bat da, hain zuzen, aparkaleku gehiago egitea. Zubikoako aparkalekuez gain, beste gune bat prestatzea du pentsatuta udalak, Agustinoen eliza inguruan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.