Autoen bidea estuagoa
Auzoa zeharkatzen duen errepideak itxura berria izango du. Autoendako bidea asfaltozkoa eta estuagoa izango da, 3,5 metrokoa alegia. Gehienezko abiadura 30 kilometro ordukoa izango da auzo osoan, eta bizikletek lehentasuna izango dute.
Bi alboetan espaloiak jarriko dituzte, baina dena maila berean. Hala, oztopo arkitektonikoak kenduko dituzte. Oinezkoen bidean zuhaitz txikiak landatu eta argia beherantz ematen duten farolak jarriko dituzte.
Zebra-biderik ez
Egun auzoan dauden aparkalekuetako gutxi batzuk kendu egingo dituzte. Gainera bateriako aparkalekuak kendu eta luzetarako aparkalekuak jarriko dituzte.
Eguenean onartu zuten proiektuaren arabera ez dituzte zebra-biderik margotuko, baina pasabide berezi batzuk zehaztuko dituzte. Itsuei pasabideak non dauden adierazteko lurrean seinaleak jarriko zaizkie. Horretarako material berezia erabiliko dute.
Planifikazioa
Auzoa eraberritzen hasi aurretik plangintza egokia egin gura dute udal arduradunek lanak egingo dituen enpresarekin. "Ezin dugu auzo guztia hankaz gora jarri aldi berean. Lanak egingo dituen enpresarekin adostuko dugu. Postetxe inguruko eraberritzea bezala, zatika egingo dugu, eta ahal dugun neurrian, oztopo gutxi jarrita. Baina, bertako bizilagunek eragozpenak nabarituko dituzte", dio Idoiaga alkateak.