Intxorta 1.937 Kultur Elkarteak antolatutako Izen guztiak, aurpegi guztiak delako erakusketak harrera ona izan du herritarren artean. Antolatzaileek balorazioa positiboa egin dute. "Guztira, 1.030 lagun egon ziren erakusketako panelak ikusten, eta 145 lagun hiltzaldietan. Gehienak pertsona nagusiak izan dira, eta Zuazola-Larraña Institutuko 30 ikasle ere egon ziren", esan digu Intxortako kide Juan Ramon Garaik. Herritarren aldetik esker hitzak jaso dituztela esan digu.
Liburua eta ikus-entzunezkoa
Erakusketaren bigarren helburua argazkietako aurpegiak identifikatzen laguntzeko herritarren parte-hartzea bultzatzea zen, eta lortu dutela esan digu: "20 bat pertsona egon ziren erakusketan argazki eta dokumentu berriekin. 18 gerran galdutako senideen argazkiak ziren eta beste biak gerra irabazi zuten senideen argazkiak".
Bestalde, lanean jarraitzeko oñatiarrekin talde bat sortu dutela esan digute Intxortako kideek; hain zuzen ere, lau oñatiar eta arrasatear bat elkartu dira: hiru historialari, kazetari bat eta abokatu bat.
Aurrera begira egingo duten lana ere zehaztu dute; alegia, Gerra Zibilean eta Errepresio garaian desagertutako oñatiarren bizitza-memoriak batu, transkribatu eta argitalpen baterako idazlana egingo dute. Gainera, egindako elkarrizketekin ikus-entzunezkoa grabatzeko asmoa dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak