1.000 txerriki-pintxo inguru banatu zituzten IV. Jardunaldi Gastronomikoen aurkezpenean

Aratusteak zirela aprobetxatuta, Debagoieneko IV. Jardunaldi Gastronomikoen aurkezpen ekitaldia egin zuten atzo arratsaldean Oñatin. Mankomunitateak antolatzen dituen jardunaldi gastronomikoen laugarren edizioa da oraingoa eta txerrikia izango da produktu izarra.

Hori dela-eta, atzoko aurkezpen ekitaldian pintxoak banatu zituzten: zehazki esateko, Basatxerri txerriki ekoizlearen produktuekin egindako 1.000 pintxotik gora egin eta banatu zituzten: txistorrarenak, odolkiarenak, trufa eta patearenak…

Ibarreko zazpi jatetxek hartzen dute parte ekimenean:

  • Aretxabaletako Baster Alde
  • Arrasateko Hilarion
  • Bergarako Lasa
  • Leintz Gatzagako Soranetexea
  • Oñatiko Etxe-Aundi
  • Oñatiko Goiko-Benta
  • Oñatiko Soraluze

Atzoko ekitaldian guztiek jardun zuten pintxoak banatzen: pintxoa eta ardoa, euro baten.

Oñatiarrak gosetuta zeuden, antza, eta gustura hartu zuten atzoko ekimena: janari usainari jarraituz, laster batu ziren herriko plazan mokadu goxoa egitera.

Oñatiarrak pozik, beraz, eta hori ikusirik baita antolatzaileak ere: euren esanetan, uste baino arrakastatsuagoa izan zen atzokoa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.