Ordenagailuen dohaintza horrek eragin handia du ikasleengan, ikasketak egiteko behar duten materiala jasotzen dutelako Yaakar, Mbam Daspora eta Elkartenet elkarteen eta Mbam-go udalaren arteko lankidetzari esker.
Arizmendi Ikastolarekin lan egiten duen elkartea da Elkartenet. Aretxabaletako Yaakar elkarteak urteak daramatza harekin lanean, eta hango mikroinformatikako ikasleek ordenagailuak konpontzen eta prestatzen dituzte ikasle horientzat. Yaakarreko kideak oso eskertuta gaude hezkuntza arloan fruituak ematen ari diren kolaborazio hauengatik.
Informatika gela inauguratzear
Bestetik, laster inauguratuko da Debagoieneko hainbat udalek finantzatutako informatika gela, eta GIE emakume taldeentzako eta kulturaren bueltan diharduten taldeentzako ikastaroa eman dugu, Soraluze Koop. Elk.ak finantzatuta. Lanean ari diren langileek ere jasoko dute ikastaroa, ziurtagiri profesionala eskura dezaten.
Hori guztia egin da Senegalgo erakundeen, Yaakar Aretxabaletako Elkartearen, Mbam Daspora taldearen, Arimendi Ikastolaren eta Debagoieneko erakundeen arteko elkarlanari esker.