Lana hainbat taldetan banatu dute. Talde bat eskulanak egiteaz arduratuko da, hala nola, eskumuturrekoak, jaialdia baino lehen plazan saltzeko, 17:00ak inguruan. Ziurrenik, iaz egin zen bezala, tortilla pintxoak eta bizkotxoak ere egongo dira saltzeko.
Beste talde batek jaialdia prestatuko du: txisteak, dantzak, musika, abestiak eta, agian, antzezlan txiki bat.
Azkenik, hirugarren talde bat publizitateaz arduratuko da, kartelak egiteaz, jaialdirako sarrerez eta abarrez.
Hiru ordenagailuren zozketa
Jaialdi honetan, gainera, Laboral Kutxak utzitako hiru ordenagailu berregokitu zozketatuko dira. Zozketa horretan parte hartzeko txartelak hainbat modutan erosi ahal izango dira:
- Jaialdiko sarrera bakoitzarekin zozketan parte hartzeko txartel bat emango da.
- Bizumeko 05509 kodeari egindako dohaintzaren bidez, "zozketa" eta telefono-zenbaki bat adierazita, dagozkion zenbakiak helarazteko. Txartel bakoitzeko euro bat ordainduta.
- Banku-transferentzia bidez ES60 3035 0002 16 0020077455 kontura (YAAKAR elkartea) "zozketa" adieraziz, eta telefono-zenbaki bat edo helbide elektroniko bat, dagozkion zenbakiak helarazteko. Txartel bakoitzeko euro bat.
- Elkartearekin harremanetan jarriz Facebooken (Yaakar Aretxabaleta) edo Instagramen (Yaakararetxabaleta).
Txartelak erosteko ez ezik, beste edozein ekarpenetarako erabili daitezke bizum kodea eta bankuko kontua.
