Euskararen aldeko aste berezi bati. Kanpainako leloak, euskarak 365 egun behar dituela aldarrikatzen du eta hala ez den artean, nekaezin jarraitu beharko dugu "euskaltzaleon auzotik euskararen herrira" transitatzen.
Motiborik badugu euskaltzaleok, Ziburuko Kaskarotenia ikastolaren aurkako erasoa edo Nafarroan euskara jasaten ari den zapalkuntza egoera ezagututa, baina bai eta ere euskarazko irrati bat sintonizatzea zenbat kostatzen zaigun kontutan hartuta edo lehen hitza euskaraz egitea zaila egiten dela konprobatu ondoren.
Ez du gure hizkuntzak beharrezko zukeen aitortza eta horregatik ere merezi du euskararen eguna ospatzeak; errebindikazioa bezainbat ospea ere behar duelako; datorren asteazkena da hartarako bereziki hautaturiko eguna. Ez hutsik egin! Izan ere, zein arraroa den, euskararik gabe Nafarroa; bai asteazken honetan bai eta beste 364 egunetan ere.
Eta ospakizunetan hasiz gero, badugu geure hizkuntzari bultzada emateko bigarren aukera ere: 5etik 8ra bitartean, Durangoko Azoka ospatuko da. Animatu! Eta kukutxo bat egin. Lau egunez daukazue aukera.
