Duela hilabete inguru, Donostiako Askegunean bizi izan zena, hito bat bihurtu da. Harresiak, aspaldiko asmakizun dira; baina hau gizaesia izan da. Asmakizun bikaina, halajaina! Ahula ez; malgua agian; harriaren hotzari elkartasunaren berotasuna gehitu diona; indarka saiatu gabe, indar amaigabea erakutsi du; estuki elkar harturik eta irekita aldi berean; orainari aurre eginez, etorkizun hobe baten alde; kartzela zigor injustoak ekiditeko asmoa, kartzela zigorrarekin ordainduz; XXI. mendeko euskal gazteriak erakutsi digu, elkartasun uholde sakonak sortzen badakiela; oraingoz, lehen olatuek, Ondarroako badiatxora iritsi dira; herri honek etorkizuna du; arrazoiaren indarra dugulako; eta hortan sinisten duen gazteria adoretsu bat dugulako. Bejondeigula guztioi !.
Francesco Tonuccik, "Haurren hiria" eraiki beharraz ohartarazi gaitu; hau da, haurrei galdetu beharraz, nola eraiki beharko litzatekeen hiria; ez dakit, baina, agian, Baionako "Txokolatearen egunak" direla-ta, txokolatezko hormak egiten ikasiko bagenu... imajinatzen, adibidez, kartzela guztietako hormak txokolatezkoak balira...Askegunetik, Bateragunera; Arnaldo eta... azken 6 atxilotuak, askatu!
