Eta berauek gobernatzen omen dabiltzan ordezkariek, zuzentasuna eta zintzotasuna ez ezik, euren helburua botere metaketa eta aberastea baino ez dutela erakutsi digute.
Hitzez diotenari, bukatu orduko ahaztu eta bizkar ematen diote, albo lotsa ere eraginez. Baina tira; demokrazia baino patri(k)a babestea praktikoagoa dela esanez atera zaigu Txitxarro deitzen omen den jeneral espainiar bat.
Norbaitek behintzat egia esatea erabaki du eta patri(k)ari dagokionetan, gobernante hauekin bat datorren arren, gutxienez zintzoki berba egitea erabaki du; Gainera patri(k)a baino garrantzia gutxiago lukeen demokrazia horren erreferente gisa, espainiar konstituzioa jarri digu. Konstituzio hori lege bat baino ez omen da, patri(k)a sentimendu bat den bitartean; lege ez oso demokratikoa porzierto eta sentimenduak sentimendu, defentsa ministeritzaren menpe dagoen espainiar armadaren eskuetan ipintzen du patri(k)a horren batasunaren zaintza eta bermea. Kasualitatearen kasualitatez baina, jeneral hau, bere sentimendu patri(k)azale eta guzti, defentsa ministeritzaren aholkularia den Real y Militar Orden de San Hermenegildo-ko kidea da.
Eta apustu egingo nuke Bar Cenas enean txitxarroa probatu duela.
