Gandolfi korsikarrak proposatu eta Gre.net lapurtarrak defendaturik, Frantziako Asanblada "nazionalean", euskal presoek, etxetik ahalik eta hurbilen "atxikiak" egoteko eskubide dutela onartu dute; Lo.pez bizkaitarrak, hortan ados egonik, gainera, uste du, ezker abertzalea legeztatu egin behar dela; "eznahikotasunak" jota darraite baina, "bada zerbait" esanda konformatu behar. Ea euskaldun.ok, "hitzeko jendea" direla konfirmatzen den.
Atez-ate; 0 zabor filosofiaz, ni ere ados nago eta nabil; baina 0 edukinontzi filosofiaz ulertuta; Izan ere, zaborra, geurea izanik, ez dugu ezkutatu behar auzoko edukinontzietan; produktuen ekoizpen, salmenta eta kontsumoan gutxituz hasi eta gero konpostatuz edota berziklatuz baizik; Debagoienan 0 zabor.
Eta; Urumea ibaiak, itsasoarekin bat egiten duen gunean omendu genuen Txillardegi; Victoria Eugenia antzokian, zutik, Eusko Gudariak abestuz; eskerrik asko, Txillardegi, mundua, bizitza, gizakia eta bereziki Euskal Herria eta euskara gure begiekin begiratzeko, ezagutzeko eta maitatzeko, zure betaurrekoak uzteagatik.