... legal, i-legal, a-legal, ia-legal edo ai-legal ote garen erabaki ezinean oraindik ere.
Bilduren bildur, problemavasco-aren amaiera amesten ari ziren hango eta hemengoei, Amaiur sortu zaie orain; gaztelu zaharra suntsitua zelakoan eta horra non sortu den, iraganaren lekuko diren oinarrietatik, euskal herri osoari etorkizun oparoa eskaintzen dion egitasmo bateragilea.
"Goiko mendian elurra dago, errekaldean kukutza" kantatu beharko dugu!? (izotzak urtuak zituen Bilboko auzo ezagunean aspalditik ziharduen gaztetxeko jardunak); jabego pribatuaren alde jokatu dutenek, ordea, egoeraren jabe behintzat ez direla garbi utzi dute; eta (ez eraikina bakarrik) eraitsi nahi izan dutena bezalako proiektuen beharra inoiz baino argiago ere utzi digute.
Eta hitzetik hitzera, ez dakit, zenbat diferentzia atera ahal izango diren, KUKUTZA eta KUKUTXA artean; batzuk bai; baina bataren nahiz bestearen jabe, denok izan behar dugula, badakit. Saiatu egin behar; alter eta natiboak, zazpiak bateragunean; ala sei gara?