Albiste txar baten berri izan, eta olatua dator segidan. Baina bata bestearen jarraian jasotako animo! horrek indarra galtzen duen sentsazioa izaten dut maiz, mezuak berak indarra galduko balu moduan, edo errazegi emango bagenitu moduan.
Niri, besteak kostatzen zaizkit gehiago; benetan iristen diren animo mezuak, begietara begira ematen direnak, besarkada batekin edo bizkarrean kolpe batekin lagunduta. Egunero ez ditugu halakoak behar, baina tarteka eskertzen dira. Bada, animo! Bai, badakit, errazena egin dut orain ere.
