Kontzertu ekonomikoa

Erabiltzailearen aurpegia

Kontzertu ekonomikoa. Baliteke bi hitz hauek, bakoitza bere aldetik, maiz entzunak izatea, baina benetako esanahia, jatorria eta historian zehar eduki duen garapenaren berri aditzea ez da hain ohikoa. Batzuentzako ezezaguna edota anbiguoa izan daitekeen arren, euskal gizartearen garapenerako eta ongizaterako funtsezkoa dela uste dut.

Baina zer da kontzertu ekonomikoa? Hitz gutxi batzuetan, esan daiteke foru sistema tradizional bat dela, Euskadiren eta Estatuaren artean zerga erlazioa arautzen duena. Sistema foral honen inguruan badaude datu adierazgarri pare bat hemen azpimarratu nahiko nituzkeenak. Gaur egun euskaldunontzat onuragarria den kontzertu ekonomikoa ez zen gure aurretiko belaunaldiak borondatez lortutako ezer izan, 1878an ezarritako inposizio bat baizik. Aipatu beharra dago, zati handi batean, egungo gizarte zerbitzuen kalitatea, errepideak, heziketa, osasuna, eta abar, kontzertu ekonomikoari eta euskal gizartearen lanari eta konpromisoari zor dizkiogula. Batzuetan ez dugu aintzat hartzen guregan daukan eragina eta garrantzia, esamoldeak dioen bezala, ez dugu daukaguna baloratzen galtzen dugun arte.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.