Zer babesten zuten bertaratutakoek? "Euskal presoen eskubideak", seguru aski, erantzun nagusia.
Sare-k horrela saldu digu; eta borondate oneko pertsona askok, erosi.
Oso bestelakoa da saltzen diguten produktua; birgizarteratzeko, presoaren hautuak pisurik ez edukitzea eskatzen da, barkamen eskaera eta damua baldintza ez izatea. Salbuespen baldintzak bukatzea; horrela deitzen diote: norbanakoari bere birgizarteratzean daukan ardura kendu eta egindakoaren legitimazioa edo, gutxienez, deslegitimaziorik eza dakarrela esan beharra dago. Biktimen mina errespetatzen ez duen planteamendu baten aurrean gaude.
Bat nator Frantzian egindako urteak kontuan izatearekin, baita zigorrak osorik betetzeko legea kentzearekin, baina eginarekiko autokritika gabe? Damua eta barkamena eskatzea baldintza bezala kenduta? Hori ez. Planteamendu tranpati baten aurrean gaude.
Nahita edo nahi gabe, era kontziente edo inkontzientean, baina horixe da Bilbon egon zineten guztiok babestu zenutena.
