Hamar urte pasata, munduak hobera egin duenik ezin esan. Dirua duenak boterea dauka, eta boteredunak nahi duena egiten du, eta bitartean "Europa mutua".
Herritarrak irten gara kalera, baina Europar estatuek Israel eta AEBen menpeko jarraitzen dute, Errusiari ezarritako enbargo eta debekuen bidea sionistei ezin aplikatu antza.
Izango du zer esanik armagintza sektoreak. Gertu ditugu ekoizpen zentroak, gerra hauekin aberasten ari direnak, eta bitartean "misil eta bonba jasa". Armagintza ere ekonomia omen. Ekonomiak egunerokoan laguntzen digu, baina edozein ekonomiak ez digu balio. Ekonomia soziala indartu eta bizitzak erdigunean jarriz, ekonomia kapitalista mugatu. Urtean behin soilik izan dadin Gaba Baltza. Gainontzean, "hiltzea denbora pasa" izango da, "tiranoaren jolasa".
