Azkenaldian, albistegietan behin eta berriz aipatzen dabiltza erregaien eta argindarraren garestitzea. Boterearen arrimuan dabiltzan komunikabideek –ia guztiak– behin eta berriz Ukrainako gerran jarri ohi dute fokua bizitzaren garestitzearen atzean dagoena arrazoitu nahian. Gutxitan, gutxiegitan ikusten da, argindarraren garestitzea edo kWh kostu eguneratua aipatu ondoren, Iberdrola izaten dabilen irabaziei buruzko datua. Erregaien igoeraren berri omen ostean ere, inoiz gutxitan irakurri, entzun edo ikusi dut Repsol izaten ari den irabazien inguruko edota beraien administrazio kontseiluetako kideek jaso dituzten mozkin banaketari buruzko argibiderik. Errusia bai, askotan aipatzen da Errusia, baina nago fokua nahita okertu digutela.
Perspektiba kontuak.