Azken hamarkadetan hasitako bideari jarraiki aberastasunak esku gutxi batzuetan pilatzen jarraituko du, jende gero eta gehiago miseriara kondenatzen den bitartean. Askatasuna ere hezituta dago, polizia, kamera eta kontrolak edonon.
Gainera, hau bezalako zutabeak idazten ditugun sasijakintsuak mundua aldatzeko hauteskundeetara aurkeztu eta legeak aldatzea dagokigula iradokitzen. Demokrazian denok aukera berdinak ditugula eta aurrez ezarrita dauden bitartekoak erabiltzea dagokigula, besterik ez. Abiapuntu horiek albo batera uzten dituzte botere harreman desorekatuak eta egiturazko zapalkuntzak.
Horregatik, behetik gora eragin nahi dugunok gure bide propioa eraiki beharrean gaude. Inori baimenik eskatu gabe. Larunbat gabeko babosoari ostikada ahoan ematen dion neska, etxe hutsak okupatzen dituen gaztea, errepide bazterreko gaztelerazko ikurrak ezabatzen dituen euskalduna, espetxean kartzelariaren aurka matxinatzen den presoa edota bere auzotik harrien bitartez polizia kanporatzen duten etorkinak beren bidea egiten ari dira. Ustezko demokrazia bortitz honek uzten dituen desorekak arinduz.
