Gizartearekiko helburu inspiratzaile asko egon daitezke: komunitatea aberastea, lana sortzea, sendatzea, heztea, kultura zabaltzea, entretenitzea…
Zein da zuen helburu inspiratzailea? Enpresa askorentzat ez da erraza galdera horri erantzuna ematea. Protesiak ekoizten baditugu, beharbada, "pertsonei bizitza hobeago egitea" izango da erantzuna. Eta autoentzako piezak ekoizten baditugu? Beharbada, orduan errazagoa izango litzateke legatuari buruzko erantzuna ematea. "Zein da laga nahi duzuen legatua?" galdetuko bagenie hainbat enpresa-sortzaile eta ekintzaileri, erantzuna hauxe izango litzateke: enpresa etorkizunean mantentzea.
Legatua, ondarea; aurreko erantzuna beste ezaugarri batzuekin aberastu daiteke: lurraldearekin konprometitutako enpresa, etikoa, erakargarria langileentzat…
Helburu inspiratzailea topatzen dugun bitartean, pentsa dezagun lasaitasunez laga nahi dugun legatuan.
