Etxeak landarez apaindu eta kandelak pizten ziren, argiaren etorrera berria ospatzeko. Erromatarrek, adiskideek eta senitartekoek opariak egiten zizkioten elkarri, Sol Invictus-en jaiotzagatik, abenduaren 25ean, neguko solstizioarekin batera. Saturnalak landa-lanak amaitzeko jaiak ziren, neguko ereintza amaitu ondoren, urtaroen erritmoak nekazari-familia osoari eguneroko ahaleginetik atseden hartzeko denbora uzten zionean.
Eguberrietako jaiak, egun ospatzen diren bezala, erromatar tradizio paganoaren espirituarekin lotu daitezke, Jesus solstizio egunean komenientziara jaioaraziz kristautasunak sortu zuen ospakizunarekin baino gehiago.
Deigarriagoa egiten zait nola zaintzen den jaietako dekorazioa. Kontxan droneen bideo bat ikusi nuenean Olentzeroren irudia osatzen, txantxa zela pentsatu nuen; Bilbon pinu erraldoi bat ikusi nuen, eta kono itxurako LED pantaila bat zen; Bergaran eta Antzuolan inoiz baino hobeto zainduta ikusi dut argiztapena; eta balkoietan gero eta dekorazio gehiago ikusten da.
Erromatar tradizioak, Kristo aurretik bi mende lehenago hasitakoak, indarrean dirau.
