Haren iragarpenetako bat Mendebaldeko herrialdeen eta Ekialdeko blokearen arteko mundu gerraren hasierari data jartzea izan zen. Gaiak kezkatu egin ninduen, adin militarrean harrapatzen ninduelako. Egia esan, soldadutza lasai samarra egin nuen tropa sobietarren aurka borrokatu gabe. URSS erori zenean, nolabaiteko lasaitasun-aldia izan zen, eta munduaren amaieraren iragarleek 2000 efektu-ko hondamendi apokaliptikoekin eta Maya egutegiko premonizioekin konformatu behar izan zuten.
Gaur egun, desastrologoek joko gehiago dute, Errusiak Ukraina inbaditu duelako, eta orain bai, Hirugarren –eta azkena– Mundu Gerraren atarian gaudela pentsarazten duelako. Horri gehitu behar zaio petrolioari lau teleberri geratzen zaizkiola. Uste dut irtenbide bakarra lagun baten iragarpena betetzea dela, estralurtarrekin kontaktua gertu dagoela sinetsita baitago. Apustu bat dugu: gertatzen denean, jatetxe onenera gonbidatu behar dut.
Juan Mari Arzak da apokalipsiaz libra gaitzakeen bakarra.