Euskararen Egunean, Seminarixoan, egunerako antzezlan oso egokia programatu zen. Antzokitik gertu dagoen kafetegian zerbait hartzen ari zirela, aktoreak agurtzeko aukera izan nuen. Aitortu zidatenez, atsekabetuta zeuden entzuleen erantzun kaskarragatik; izan ere, edukieraren laurdena bakarrik okupatu zen. Esan nien eguraldi txarrak edo zubiaren hurbiltasunak zerikusia izango zutela. Hau da, gezurra esan nien.
Foro publikoetan –edo pribatuetan– iritzia ematen dugunean, denok iritzi handi eta zorrotzak ditugu partaidetza-kultura, aisialdi sortzailea eta gure arbasoen antzinako hizkuntzaren defentsaren balioa sustatzeko eta bultzatzeko moduari buruz, eta, betiere, erantzukizun handiena eta eztabaidaezina Administrazioari leporatzen diogu: Udala, Jaurlaritza, Aldundia… Tokatzen dena.
Baina maila altuko artisten lana gozatzeko sarrera erostea bezain erraza den aukera dagoenean, zer ikusten dugu? Tele5 –gaztelaniaz oso errima desatsegina du, bere edukiaren parekoa–.
