... antolatutako ekintzetan parte hartu zenuten guztioi gure esker ona adierazi nahi genizueke.
Egubakoitzeko Etiopiako bideo emanaldian 80 lagunetik gora izan ginen, zapatuan plazan izandako erakusketa hainbat jendek ikusi zuen eta domekako mendi bizikleta irteeran 55 lagun izan ginen, Bergarako eta kanpoko mendi bizikleta zaleok lokatz artean disfrutatuz.
Guztiei gure esker ona.
Bereziki, Markel Uriarteri zapatuan egin zuen erakustaldi bikainagatik, Alberto Bolañosi bere bizikleta bilduma herritarroi gerturatzeagatik, Irazabalbeitia Garraioei logistikagatik, Agorrosingo futbol zelaiko tabernakoei domekan eman ziguten hamarretako bikainagatik, Juan Arbeloa eta Dabid nafarrei beraien bizipen afrikarrak gurekin elkarbanatzeagatik, M. Altuna Institutuari aretoa uzteagatik eta, oro har, Palmerakleta arrakastatsua izaten lagundu duzuen guztiei.
Bukatzeko, mendi bizikleta hartu eta gure bazterrak ezagutzera etorri nahi duzuen guztiei gogoratu Ibargaraiko Palmeratik irteten garela domekero 09:00etan.
Gonbidatuta zaudete.
----------
Unai Ziarsolo
Bergara