Aurreko aste osoan Errekaldera oinez eta elkarrekin joateko deia egin zuen Guraso Elkarteak, eta primeran erantzun zuten Urgain Herri Eskolako HHko eta LHko ikasle eta familiek. Herriko lau puntutatik abiatu eta bideko juntalekuetan jendea batuta, asko izan ziren eskolarako ibilbidea "era egokienean" egitea sustatu nahi duen ekimena babestu zutenak.
Adin desberdinetako ikasleen arteko harremanak bultzatzea, kohesioa lantzea, eta, nola ez, ohitura osasungarriak hartzea eta eskola inguruko zirkulazioa arintzea dira ekimenaren helburuak.
Ikasle eta familia askok egunero egiten dutenari ikusgarritasun handiagoa emateko modua ere bada Eskolara Oinez; honela, azken egunean, egubakoitzean, familia argazki ederra atera genuen ekimenean parte hartutakoen artean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
