"Idatzi hau egin dugu kezkatzen gaituzten gai batzuen berri emateko.
Hain zuzen ere, eskari batzuk egin nahi dizkizugu, eta, era berean, eragiten diguten greba eta ekintzei babesa ematen diegu; izan ere, egun horietan ezin izaten dugu jarduerarik egin. Ez dugu ez bisitarik ez deirik izaten. Eta ezta minimoetan dauden erizainen asistentzia jaso ere; eta, horregatik, batzuetan, denbora luzea itxaron behar izaten dugu behar dugun laguntza jasotzeko.
Gauzak hobetzea nahi dugu, pazienteak hobeto artatuta egon gaitezen.
Horregatik, zentroko langileen eskaerei jaramon egitea eskatzen dugu, zentro honetako bizitzaren funtzionamendua hobetzen laguntzeko eta, era berean, guri ere laguntzeko: haien eskaerak onar daitezen, gutxieneko esfortzu bat eskatzen dugu.
Hori dela-eta, zentroko langileen eskaerak babesten ditugu.
Adeitasunez, UPLko pazienteak".
----------
Txema Kortabarria
Aita Menni ospitaleko enpresa batzordeko kidea, Psikiatria Legaleko Unitatean (UPL) daudenen izenean
Arrasate
