"Umetatik sustatu behar da berdintasuna", esango zuen batek baino gehiagok. Eta gehienok sinatuko genuke hori dioen papera. Baina gero, detaile txikiak dira gure lotsak agerian uzten dituztenak.
Nerea lankideak jarri ninduen alertan. Fijatu zarete inoiz Goienaren orrietan agertzen diren zorion agurretan? Bertan, neskak "printzesak" edo "guapisimak" izan ohi dira. Mutilak, aldiz, "txapeldunak". Polita izatea ei da neskendako laudorio handiena; mutilendako, bestalde, zerbaitetan onena izatea. Berdintasunaren adibide garbiak, ezta?
