Edu Muruamendiaraz bergararrak zuzendutako Geltokia dantza ikuskizuna eskainiko dute gaur Bergaran. John Andueza arrasatearrak beste liburu bat, Prime time, argitaratuko du. Arrasateko Iñigo Arregiren eskulturak Arantzazuko Amets-kabi erakusketan ikus daitezke. Aitor Arregi oñatiarra da Donostiako Zinemaldiko Sail Ofizialean parte hartuko duen Loreak filmaren gidoilarietako bat.
Zerrenda luze bateko adibide bakan batzuk dira horiek; zenbakiek eta estatistikek, botereak eta berau lortzeko grinak agintzen duten mundu grisari kolore apur bat emateko lan egiten dutenak.
