Zorionez, ez dut lar lotsagarria edo kezkagarria den ezer aurkitu; eta aurkitu izan banu ere, orain arte ezin izango nukeen ezer ere egin.
Baina Europako Justizia Auzitegiak berriki hartu duen erabaki bati esker, hori aldatu egingo da: bilatzaile baten guri buruzko informazioa agertzerik gura ez badugu, hori eskatzeko eskubidea izango dugu aurrerantzean. "Ahazteko eskubidea"; horrela deitu diote. Eta ados nago erabakiarekin. Iragana, iragana delako, eta inork jakiterik gura ez badugu, horretarako eskubidea dugulako.
Askotan, min egiteko, nahikoa izaten da-eta norberak bakarrik gogoratzea.
