... Alizia herri miragarriaren ispiluan islatuta. Alde errealean kokatzen bagara, familiari dagokionez, gure semearen ezkontza eta ilobaren lehen urtebetetzea moduko gertaera garrantzitsuak ikusten ditut. Horrez gainera, udazkenaren kolore ederrak, Gabonen gertutasuna edo lan egoera kaskarra ere badaude, besteak beste.
Ispiluaren beste aldean (arrainek hegan egiten eta animaliek berba egiten duten munduan), irrealean, gertaera motelak daude; tartean, Euskal Herriko herrietan, eta baita Eskoriatzan ere, Espainiako bandera jartzeko inposizioa. Hartutako erabakia txalotzen dut, herrian bizi direnen nazionalitatetako banderak jartzearena.
Horrek distrakzioa eragin gura duela ematen du, krisi ekonomiko eta politiko gogorrean murgilduta dagoen Estatuaren benetako egoera ezkutatzeko. Euskal Herriaren bake prozesuari dagokionez, duen parte-hartze eskasa eta, besteak beste, preso eta exiliatuen egoeraren gainean lan egiteko irtenbidea topatzeko konpromisorik ez duela agerian geratu da. Banderen auziarekin bestelako arazoak ezkutatzea bilatzen du; tartean, lana sortzeko inbertsiorik ez egitea.
Alde errealera itzuliz Gabonak ondo pasatzea espero dut, eta Olentzerok ispiluari buelta ematea, mundu errealean bizi gaitezen. Garrantzitsuena indarrak batzea da.
