... eta horiek dituzten interesekin arduratu. Gazte eta bestelako arloak, gainera, ez ditugu ahazten, eta eurekin elkarlanean badihardugu.
Hau esan ostean, erretiratuta dauden herritar guztiak gonbidatu nahi ditut elkartetik gertatzen diren askotariko ekimenetan parte har dezaten. Baina, parte hartzeaz gain, gustura hartuko genituzke aipamenak eta iritziak, egunerokotasuneko zeregina hobetze aldera. Oharkabean ez pasatzea bilatzen du horrek, gizarte honetan garrantzitsuak gara-eta. Azkenaldiko gertaerek, behintzat, hori erakusten dute; horren harira, pentsionistei ematen ari dieten protagonismoa baino ez da aipatu behar.
Aisialdirako denbora asko daukagu; guk ustiatzen dugu hori eta horren harira, ezinbestekoa da jardunean egotea, hala nola paseatzen, baratzean egonda, igerilekura joanda, bestelako elkarteekin kolaboratzen edo bidaiatzen. Horretarako, bidegorriak, mendiak edo parkeak ditugu. Baina horiek modu onean egon behar dute.
Askotan kexu gara hiri-altzaria ez dagoela modu onean; horregatik, gure Udalari egoera txarrean dauden guneak edo aparatuak konpon eta manten ditzatela eskatu nahiko nioke. Horrekin, guztiondako erosoagoa eta politagoa den Eskoriatza lortuko genuke.
