Ez dakigu nola egin, eta, horregatik, lerro hauek erabiliko ditugu pasa den larunbatean Ibani omenaldia egin zenioten guztioi bihotzez eskerrak emateko.
Mila-mila esker bertan elkartu eta omenaldia egitea posible egin zenuten denoi: Manex eta Xabi, Libertad Condicional, Ibanen lagunak, El Exterminio de la Raza del Mono, Zarzamora, bertara hurbildu zineten guztioi eta ezinean gelditu zinetenoi; eta, batez ere, Xementerio taldeari. Ikaragarria izan zen egin zenuten lana eta bertan bizi izan genuena. Askok izan nahiko lituzkete zuen moduko lagunak! Eskerrik asko!
----------
Saioa Elejalde
(Iban Elejalderen familiaren izenean)
Aramaio