Desazkundea

Erabiltzailearen aurpegia

Eguraldia aldatzen doa. Bukatu ziren elurte luzeak eta teilatuetako kandela izoztuak.

Adituen arabera, gizakiok gara eguraldi aldaketaren erantzule nagusiak; gehienbat, mundu zati aberats honetan bizi garenok. Urteetan CO2 isurketa izugarriak egiten ibili eta gero, gu bezala bizi nahi duten herrialde txiroei klima aldaketaren aurkako neurriak hartzea exijitzen diegu, orain. Gizarte kapitalista globalizatu honetan gure bizi ereduarekin jarraitzeko, etengabe hazten jarraitu beharko dute ekonomiak eta barne produktu gordinak, eta horrek ondorio larriak sortuko ditu ingurumenean.

Planeta bakarra dugu eta zeharo izorratu aurretik neurriak hartu beharrean gaude, nolabaiteko desazkundea bultzatuz. Horretarako, gutxiagorekin bizitzen ikasi beharko genuke, zoriontsu izateko gauza asko eduki eta etengabe erosketak egiten ibili ordez benetako zoriontasuna ingurukoekin harremanak sendotzea bilatuz. Bide horretan, kontsumo jarrerak aldatzea aurrerapauso galanta litzateke, urrutiko intxaurrei begiratu ordez inguruko baserritarrei eta ekoizleen produktuak erosiz.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.