Geroztik, urtero egiten den manifestazio bakarrera mugatzen da gertakari hauek oroitzeko tartea, memoria historiko lausotu baten praktikan.
Aurreko mendean zehar langile mugimenduen borrokak oinarrizko identifikazioa zuen: dominazio klasista oinarri duen kapitalaren sistema hau iraultzea. Gaur, berriz, soilik egungo estatusa erreformatzearen –pixka bat aldatzea– aldeko lanketa burutzen da ezker mugimendutik, eta martxoaren 3aren oroimena eraginik gabeko ekitaldi publiko batera murrizten da.
Martxoaren 3a langileon borroka elikatzeko oroimen eguna izan behar da. Baina nahitaez urteko beste egun guztietan ere klase borrokan murgilduriko errealitatean eragiteko kondizioak landu behar dira, hau baita erailak omentzeko formarik zintzoena: beraien borroken oinarrizko identifikazioa berrartzea.