Senegaleko doinuen erritmora dantzatu genuen Euskararen egunean!

Ndank-Ndank elkarteko hainbat kideren bisita izan genuen eskolan

Beste herrialde batetik etorri eta euskara ikasteko pertsona askok egiten duten ahalegina eredugarria iruditzen zaigu, eta baloratu beharra dagoela uste dugu. Horregatik, Ndank-Ndank elkarteko zenbait kiderekin batera (tartean eskolako ikasle baten aita) ospatu genuen aurtengo Euskararen eguna! Beraien testigantzak entzun ostean, Senegaleko doinuen erritmora dantzan aritu ziren ikasle zein irakasleak.

Poliki-poliki esan nahi du Ndank-Ndank esamoldeak Wolof hizkuntzan! Leloaren berrinterpretazioa eginda, gurera ere ekar dezakegu; izan ere, guztion artean, pausoz pauso, lortuko dugu gure hizkuntza indartzea!