San Felipe Elkargoa eta Ojanguren hileta zerbitzuak elkarrekin komunikatua, 2020ko apirilaren 19an

Erabiltzailearen aurpegia San Felipe elkarlaguntza 2020ko api. 22a, 09:51

SAN FELIPE ELKARLAGUNTZAk (SFE) eta kontratatuta duen OJANGUREN HILETA ZERBITZUAK (OHZ) ehorztetxeak egindako jarduketei buruzko idatzi anonimo bat zabaldu dela eta, COVID-19 delakoak kaltetutako hildakoak direla eta, baterako jakinarazpen hau zabaltzeko betebeharra ikusi dugu.

Arrasaten oso ezaguna da SFEren izen ona, bere kabuz kudeatutako eta irabazi asmorik gabeko 12.000 bazkide baino gehiagoko mutua herrikoia, bai eta OHZ ehorztetxea ere, historikoki modu profesional eta eraginkorrean eman baitiote zerbitzua. Urte asko une zail horietan dauden familiei arreta eta traturik onena ematen daramaten bi erakunde horien izen ona eta ematen duten zerbitzu onak desprestigiatzeko asmoa nabaria da, eta bere autore ezkutuen interes espurioiengatik soilik azal daiteke.

Covid-19ren heriotza baten ondoren jarraitzen diren prozedurei dagokienez, pandemiaren ondorioz bai Osasun Ministerioak (1) bai Eusko Jaurlaritzako Osasun Sailak (2) hileta-osasunari buruzko berariazko araudiak argitaratu dituztela, eta OHZk arreta zeharo zorrotz eta txukun eman diela.

Covid-19ren heriotzaren abisua jasotzen den unetik, prozedura honi jarraitu behar zaio:
1) Hildakoa lurperatzeko edo errausteko lizentzia lehenbailehen eskuratzeko, bilera labur bat egiten da hildakoaren familiako ordezkariekin, eta izapideak jakinarazi zaizkie.
2) Ahalik eta lasterren, heriotza-lekura (ospitalera edo egoitzara) joan behar da, langileentzat behar den babes-ekipoarekin (NBE) eta hildakoarentzat iragazgaitza den osasun-poltsarekin. Ondoren, gorpua dagokion osasun poltsa iragazgaitzean sartzen da, ondoren desinfektatu eta zerraldoan sartzen da, edozein transmisio gune saihesteko, Osasun Ministerioaren Dokumentu Teknikoan (1), 4. atalaren lehen paragrafoan, esaten den bezala: "Gorpua behar bezala sartu eta poltsa edo hil-oihala desinfektatu ondoren, kanpoan manipulatzeak ez du arriskurik sortzen. Hilkutxa arrunt batean sar daitezke, neurri berezirik hartu gabe."
3) Familiaren baimena, lizentzia eta udalaren aginduzko baimena lortu ondoren, ahalik eta azkarren ehorzten edo errausten da gorpua. Alarma-egoeran dagoela, hil eta 24 ordu igaro baino lehen izan daiteke. Nahiz eta egoera normalean Arrasaten azken destinoa emateko ordutegiak goizetara mugatuta egon, alarma-egoera aldarrikatu ondoren, Udalak arratsaldez ere baimendu ditu jarduera horiek, instalazioak kolapsatu ez daitezen. Hori dela eta, erakunde sinatzaileek eskerrak eman nahi dizkiete.

Hori guztia dela eta, kategorikoki baieztatzen dugu, senideek baimena eman ondoren, hildakoen gorputzek beren azken destinoa ahalik eta epe laburrenean jaso dutela. Egun berean gorputzari beren azken destinoa ematea materialki ezinezkoa izan den kasuetan bakarrik erabili dira OHZko instalazioetako hotz-ganberak, eta zerbitzu horri dagokion tasa kobratu behar izan da.

Egoera hain delikatua denez, ahalik eta sentiberatasun eta maitasun handienarekin tratatu dira senideak, eta une oro jakin dute non zegoen hildako senidea. Dokumentu hau sinatzen duten erakundeek ez dute nahi eztabaida antzuetan sartzea, whatsappen bidez banatu den idazki anonimo eta maltzurraren edukiaren aurka, eta gertakariak Epaitegiari jakinarazi zaizkio, delitu izan daitezkeelakoan.

San Felipe Elkarlaguntzako Zuzendaritza Batzordea eta Ojanguren Hileta Zerbitzuak.
Sinatuta eta zigilatuta.

 

(1) Dokumentu teknikoa: COVID-19 kasuetako gorpuak maneiatzeko prozedura (2020ko
apirilaren 13ko bertsioa)

(2) AGINDUA, 2020ko martxoaren 26koa, Osasuneko sailburuarena, SARS-Cov-2 (Covid-19) delakoak eragindako pandemia dela-eta hileta-osasunaren arloan salbuespenezko neurriak hartzen dituena.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak