Mondragoeko fundazioko hiri-gutuneko lehen hitza Kristo da. Baina kristautasunaren adierazpen artistikoak ez dira askoren gustuko eta udal agintaldi honetan ikusi dugu nola suntsitu dituzten Sanvitxikiko kaperako beirate ederrak, Hirutasun Santua irudikatzen zutenak.
Bide batez, gogoratu dezagun Mondragoe Hirutasun Santuaren izenean fundatu zutela. Eta Udalatxeko gurutzea ere eraitsi dute, gurutze bat ez delako hildako mendizaleak ohoratzeko modua eta Marik lasaiago hegan egin dezan. Nire iritziz, ondare interesgarria galdu dugu.
Sanjuanetan, zinegotziek, urteetako ohiturari muzin eginez, ez zuten eraman santuaren irudia parrokiatik udaletxera. Ez dut esango harritu ninduenik, baina udal laiko horren zinegotzi batzuk ramadaneko bukaerako afarira joan ziren.
Kristautasunarenak egin duela esango nuke. Baina haren ordez zer nagusituko da? Gurutzea eraitsi zutenen wokismo-a edo islama?
