Lana egitea, dirua egitea, konponbide utilitaristak lortzea... izan ei dira mondragoetarren helburuak. Eta horrek mondragoetarrei halako izaera zakarra emango lieke eta, beraz, zatarkeriarako joera bat. Pertsona zakarrek zakarkeriak egiten dituzte: gauza itsusiak eraiki, eraikin politak bota. Baliteke horrela izatea.
Bestaldetik, helburu ez hain prosaikoekin gure herrian jardun duen erakundea Eliza Katolikoa izan da. Erlijio honetan inspiraturiko arkitekturak asko landu du estetika. Garai bakoitzeko estilora moldatuz edertasuna lortzen saiatu dira. Arte katolikoaren azken alea Arrasateko mojen kapera zen, 1974koa. Bere hormigoizko beirateekin, barruko apaindura soilarekin, eta akustika lortuarekin kristau arkitekturaren harribitxia zen. Ba, guztiz desitxuratuta dago, Hirutasunaren beiratea ere suntsitu dute. Niri sekulako amorrua eman zidan. 1974tik ezer politik egin dute?