Horrelako ekimen ugari egin dituzte, gehienak erdaraz eta Espainiatik ekarritako guru batzuek, burujainkotuek eta tarifa altukoek, emanak. Goieskola ez da gauza izan pedagogismo emozionalean euskaraz jardungo duen inor prestatzeko. Baina guruen mezua ondo jaso ez duten irakasleekin zer egin?
Nire denboretan Arrasateko institutuan zuzendari talde serio eta saiatu batek jarduten zuen horrelakoak onbidera eramaten. Proiektu horretan trabarik ez egiteko inork lanbidez aldatuko al du Mar Romerarena entzun ondoren? Hamar ikastetxe daude eredu horretan sartuta. Nola ebaluatu esperimentu bitxi hau? Botere publikoek diruz ondo hornitu dute, hogei urte pasatu dira. Hezkuntzaren etekin akademikoa neurtzeko PISA eta ISEIren txostenak daude, baina emaitzak ezin dira publikatu. Alor askotako doktore-tesiak egiteko gaia dago hor.