Eta hala, Udalaren sustapenarekin, elementu berriak txertatu zituzten jaietako programa ofizialean: Dragoi jana, Errementari desfile-dantza, Eguzkilaru izeneko izate mitiko baten agerraldia, txosnagunea... Xedea ez zen erraza eta arazoetariko bat zen, eta da, gure herriko euskaldunen belaunaldien arteko transmisio kulturalean eten bat gertatu zela eta euskalduntasun berri bat asmatu zutela aurrekoarekin zerikusi handirik ez duena: Eguzkia larua izatea udako solstizioan erabateko anomalia bat izango litzateke, Errementari dantzako kantaren letra ulergaitza egiten zait, eta txosnagune berbari serioegia deritzot. Lehenagokoetan, "erre, erre, erre subak eta sapuek erre" kantatzen zuten; orain, berriz dragoia jaten dute. Narrastiak erretzetik jatera sekulako aldea dago. Eta asuntoa da ea inoiz izan ez diren zera berri hauekin sanjuanak euskaldunagoak ote diren. Ez dakit, diferenteak bai.
Eta zuei, ze pentsetan jatzue?