Euren artean Joseba Lakarra –Euskaltzaindiko kidea–, Juan Santos eta Joaquin Gorrochategui zeuden. Kategoria handiko adituak, itxura batean. Aditu hauek *IISCAR jartzen zuen lekuan DESCARTES irakurri zuten, eta DENOS-en ordez DENOK. Foro askotan frogatu zuten txostengileek ez zituztela ondo irakurri ostraketako idatzi horiek. Gainera, Lakarrak bere txostena "Laus Deo" batekin bukatu zuen. Bere lana Jainkoa laudatzeko egin zuela adierazten du horrek, alegia.
Eta, agian, horregatik inork ez zien konturik eskatu, ez EHU-UPVk, ez Euskaltzaindiak ez eta ordezkari politikoek ere... Hala eta guztiz ere, nork ukatuko dit hau ez dela ustelkeria kasu lotsagarri bat? Bestalde, badakigu PISA txostenaren arabera EAEko ikasleek irakurritakoa ulertzeko zailtasunak dituztela. Gauzak horrela, unibertsitateko katedradunek eta euskaltzainek ez badakite irakurtzen, ez dira harrituko ikasle xumeek ere ez dakitelako, ezta?
