Behin, baso bide batean konponketa lan batzuk egiten nenbilela, Arrasateko Udalaren jakinarazpen bat jaso nuen, baimenik gabeko betelan bat egiten ari nintzela eta ingurumen ziurtagiri bat behar nuela betelan hori baimentzeko. Eta, hala, Gasteizera jo nuen, Ingurumen Sailera, ahal nuen dokumentazio egokienarekin: argazkiak, betelanerako materialen deskripzioa... Eta han harrituta geratu ziren: Arrasateko Udalari dagokio dokumentazio hau bidaltzea eta bide bateko zuloak tapatzeko ez da eskatzen horrelako zertifikaziorik, eta, gainera, Arrasaten beste espediente bat ireki dugu Mietzan baimenik gabeko zabortegi bat egin dutelako. Azalpen bat eskatu diogu Udalari, baina ez dugu erantzunik jaso.
Geroago, Gasteizera deitu nuen jakiteko ea zer gertatu zen Mietzako zabortegi klandestino harekin. Eta erantzuna izan zen Udalak ez zuela eskatutako dokumentazioa bidali eta dagoeneko kasua artxibatuta zeukatela.
Jarrera hori babestu zuten indar politikoek Zaldibarkoa salatu dute…
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
