Bide hori saihesteko modua tabakoa saltzen zuen kioskotik gorako bidea hartzea zen, eskailera pikoak, maila askotarikoak, eta estropezu egiteko oso aproposak.
Goitik ikus zitezkeen errekara itsatsita zeuden lantegiak; teilatuetako igerilekuan marrazoz josita zeudela sinetsita geunden, eta horrek adi-adi urak sortutako edozein olatu ñimiño jarraitzera behartzen gintuen.
Udazken koloretan ezkurrak batu eta zakukada batekin iristen ginen klasera, jakin gabe orduan zertarako erabiliko ziren bazkalorduan etxera buelta egiterakoan.
Luzatzen eta loratzen ari naiz egunero ikastolara joatearen errutina, kosta egiten zait oraindik aitortzea nik ere ezikusiarena egin nuela bullying-arekin. Berandu, baina dagokionari barkamena eskatzea tokatzen zait.
