Pol-Poleko beteranoek urteko bigarren mendi ibilaldia egin dute Zarautz aldera

Joan den asteburuan Pol-Pol Mendi Elkarteko beteratoak mendi ibilbide zirkularra egin zuten Zarautzetik atera eta Garate, Karakas eta Artelatza zeharkatuz. 57 lagun elkartu ziren eta adierazi zutenez, goiz ederra eta eguraldi bikaina izan zuten; "agian, sasoirako epelegi". Hurrengo irteera egun guztirako egingo dute, martxoaren 23an, Nafarroa aldera, Arabako mugatik gertu: Nazar-Joar de Kodes-Genevilla.