Pantailarik gabeko haurrak

Erabiltzailearen aurpegia

Debagoieneko bi familia gara –momentuz–. 6 eta 10 urteko bi alaba ditugu. Ez dugu nahi gure haurrak hazi daitezen smartphone eta pantailei begira, are gutxiago hauei lotuta. Ez dugu gustuko gaur egun gure inguruan orokortzen ari den eredua, smartphoneen eta pantailen bueltan. Eredu horretatik ihesi goaz. Bestelako harreman eta haziera-eredua jarraitzen dugu.

Bilatzen ari gara harremanak Debagoieneko edo inguruko beste familia batzuekin, aukera hori hautatu dutenak. Gure artean eta gure haurren artean harreman ona sortzen bada, elkarrekin bidea errazteko.

Hauek dira gure jokabideak:

-Gurasook gure haurrekin, elkarrekin gaudenean, elkarrekin gaude.

-Gure haurrekin gaudenean, telefonoak ez ditugu eskuan, ez ditugu sarri begiratzen hots bakoitzari jaramon eginez…

-Ez ditugu telefono edo tabletak –pantailak– erabiltzen haurrak entretenitzeko, edo isilik eta geldi egon daitezen.

-Oro har, zentzuz erabiltzen ditugu telefonoak eta pantailak. Ez gaude lotuta.

-Haurren arteko harremanetan bilatzen dugu: aurrez aurreko harremanak bizitza errealean, jolasa, jolas librea, natura, elkar-errespetua, lasaitasuna.

-Beste hau ere inportantea da guretzat: ez dugu erabiltzen txutxe-rik –azukredun goxoki eta edariak…–. Ahalik eta gutxien nahi genituzke gure artean, hobe bat ere ez.

Ba al dago inor hortik?

Sentsibilitate honekin bat baldin bazatoz eta halako harreman dinamiken bila baldin bazaude, deitu: 943 78 90 70 edo 675 94 46 09.

----------

Patxi Montero

Elgeta

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.