Jostailuak biltzeko kanpainak

Erabiltzailearen aurpegia Paloma Martinez Perez 2019ko abe. 13a, 08:08

Gabonak hurbiltzean halakoak antolatzen dituzte elkarte eta instituzio desberdinek: Caritas, Gurutze Gorria, herri batzuetan udalak… Helburua omen da ume guztiek jostailuren bat jasotzea. Askok beraien ekarpena egiten dute. Gero, urtarrilean orri honetan ikusiko ditugu zenbakiak, zenbat jostailu bildu dituen x elkartek.

Gizartea, orokorrean, lasai gelditzen da, Gabonetan umeek opariak jaso dituztelako. Eta nik galdetzen dut: zer zentzu dauka horrek? Badakit aspalditik Gabonetan ez dugula ospatzen Jesusen jaiotza, baizik eta kontsumismoa. Denoi gustatzen zaigu Olentzeroren rola jolastea. Dena dela, Olentzeroka jolastu behar badugu, zergatik ez dugu gutuna ere eskatzen? Etxe baten ez badago jostailurik erosteko, galdetu beharko genieke zein behar dituzten. Jasoko genituzkeen erantzunek gure bizilagunen beharrak erakutsiko lizkigukete. Ez da –edo ez zen– Gabonen zentzua poza elkarbanatzea? Jostailuak bakarrik erosten baditugu "ume behartsuentzako" horrela, gure eskuzabaltasunez gabiltza elikatzen. Hori egin beharrean, galdetu ahalko genioke gure bizilagunari zer eskatuko liokeen Olentzerori semealabentzako. Baina, gai gara gure herrian bizi diren behartsuengana hurbiltzeko?

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak