Bi orkestra

Erabiltzailearen aurpegia

Nire ustez atala idazteko abisua jaso nuenean, 1889ko dokumentu bat nuen esku artean.

Dokumentu horretan zehazten zuen Stoltz organo handia egiteko nolako soinu instrumentuak behar ziren. Kornetak, bonbardak, tronpetak, klarinak, klarineteak, biolinak, biolak, oboeak, baxuak, kontrabaxuak, biolontxeloak, flautak, kanpaitxoak… Izan ere, horiek dira orkestra sinfoniko baten beharrak; hain justu, San Pedro elizan daudenak. Beharrezkoa da nabaritzea ongilearen borondatea, eskuzabaltasuna, eta horren ondo hartutako erabakia, kontuan izanda San Pedro elizaren akustika berezia harmonizatzeko orduan normalean baino tonu erdi baxuagoa dela.

Organo erromantikoen artean, Stoltz da jatorriko ederrena eta handiena. Baina kontuan hartzekoa da beste orkestra berriago bat daukagula, 1986an sortutako sinfonikoa. Horren helburua da kultura musikal zabalagoa egitea gure herrian. Herri guztiek dituzte euren berezitasunak eta harro egoteko arrazoiak; bergararrok gauza asko ditugu gure gozamenerako; bi orkestra handi, besteak beste.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.