Ametsak eta errealitateak

Erabiltzailearen aurpegia

Ametsak amets dira; esaldia ez da nirea, baina egia da ametsak batzuetan errealitate bihurtzen direla.

Niri, azkenaldian, bi amets egin zaizkit errealitate. Bata, maiatzaren 26an, zalantza bako errealitatea. Eta bestea izan da maiatzaren 20an, Google jakintsuaren eta Huawei erraldoiaren arteko harremanak apurtu direnean. Edo beste modu batera esateko, amerikarren eta txinatarren arteko guda komertziala, edo, nahi bada, gure hartzekodunen arteko guda.

Nire ustez, errealitate egindako amets hau ez da kezkagarria teknologiari dagokionez, nahiz eta, ni neu, Huawei telefono mugikor baten jabe izan. Zeren ez da beharrezko izango gaur egun eguneroko zaizkigun aparailu hauek aldatzea, zeren asmatuko dira Interneteko nabigazioa eta sistema eragileen banaketa erraztuko dizkiguten beste bilatzaile batzuk. Egiptoarrek ez zuten alfabetoa alferrik asmatu, duela bi mila urte baino gehiago, eta Homerok ez zuen alferrik erabili egiptoarrek asmatutako alfabetoa K.a. VIII. mendean bere poemak papiro biribilki handietan ordenatzeko. Beraz, lasai, aquí no pasa nada, tenemos a Arkonada.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.