Zalantzan dago bi bular edo bakarra kendu ote zioten, bere birjinitatearen defentsan.
Gure kasuan, San Joxepe erretiratu elkarteko kideok bertso umoretsuak kantatu ohi ditugu, maila handikoak izaten direnak, eta beti errespetutsuak; aurtengoak izan dira Xabier Osarenak, aipatzen zituztenak herriko arduradunak, tabernariak, eta azaltzen zituztenak zaharminak eragindako gure problemak.
Baina bertso hau abesten genbiltzala… Nahiz ta dirurik ez daukagun poltsikoan ordaintzeko, borondatea ez zaigu falta esker onak emateko ...gogoratu nuen Santa Ageda dagoela San Pedroko Stoltz organoaren gain-gainean, mihiztatuta bertan; eskultura galanta eta ederra, esaten bezala: "Mila esker zuen laguntzagatik".
Bertso hori, beraz, horretarako egindakoa ez izan arren, oso egoki doakio.
