Ematen du animalia batzuek ez dituztela eskubideak merezi.
Onartezina da gizakien gehiegikeriak gehien pairatzen dituztenak zerrendan ez egotea: zezen-ikuskizunetan erabilitakoak, makroetxaldeetan hazitakoak –lege propioak dituzte– eta ehiza-txakurrak.
Gabezia asko ditu: Animalien babesa, eskubideak eta ongizatea bermatzeko legea izenburua izatea eta jarraian horietako batzuk legetik kanpo uztea ez da koherentea. Agian, izenburua desberdina izan beharko litzateke: Etxeko eta Kaleko Animalien Babesa, Eskubideak eta Ongizatea Bermatzeko Legea.
Guk PSOEren jarrera koldarkeria politikotzat jotzen dugu, tauromakiaren, ehizaren eta abarren munduan kulunkatzen diren lobbyen ustezko presioetara makurtu dela uste baitugu.
EAJk osoko zuzenketa aurkeztean argudiatzen zuen. Legeak Eusko Jaurlaritzak arlo dituen eskumenak urratzen dituela. Lotsagabekeria! Jeltzaleei ahaztu egin zaie PSOErekin PPrekin bezainbeste gobernatu dutela? Eta horren ondorioz ia 44 urteko Estatua dugula? 26 konpetentzia besterendu gabe daudela?
Oso nabarmena da animaliek gure babesa behar dutela, baina borroka horrek ate asko ditu: kulturalak, erlijiozkoak, politikoak, sozialak, ekonomikoak… eta defendatzen edo kritikatzen ditugunak zein diren, erakartzetik kritikaraino eragin dezake.
----------
Piter Encinas eta Igor Urizar
Arrasateko Ekologistak Martxan taldeko kideak
Arrasate
