Txikitan bai, denbora soberan neukan aspertzeko, eta nahiz eta orduak irakurtzen eman, oraindik ere denbora soberan izaten nuen. Orain, berriz, iruditzen zait ez aspertzearren edozer egiten dudala, hain gustuko ez ditudan gauzak ere. Gehienetan telebista edo ordenagailu parean edo siestan igaro ohi dut arratsaldea (baita lotsagatik aipatuko ez ditudan beste denbora galtze batzuetan ere).
Zergatik ez ote naiz kapaza ordu horiek irakurtzen aprobetxatzeko? Aste honetan zin egiten diot nire buruari denbora bat erreserbatuko diodala aspertzeari. Ea lortzen dudan.
